Бүгүн, 2025-жылдын 21-декабрында, Сузак районунун Кыз-Көл айыл аймагына караштуу Кыз-Көл айылындагы №79 Д.Шопоков атындагы орто мектебинде жаңы курулган спорт залдын ачылыш аземи болуп өттү.
Ачылыш иш-чарасына Сузак райондук мамлекеттик администрациясынын башчысы – аким Б.Ж. Сыдыкназаров, Кыз-Көл айыл өкмөтүнүн башчысы А.А. Жумабаев, ошондой эле айыл тургундары, мектеп жамааты жана окуучулар катышты.
Иш-чаранын жүрүшүндө аким Б.Ж. Сыдыкназаров сөз сүйлөп, айыл тургундарын жана мектеп жамаатын жаңы спорт залдын ачылышы менен куттуктап, мектеп жетекчилигине белектерин тапшырды.
Белгилей кетсек, спорт залдын курулушуна жалпы 12 млн 786 миң сом каражат сарпталып, имарат заманбап талаптарга ылайык курулуп пайдаланууга берилди. Жаңы спорт зал окуучулардын дене тарбия сабактарын өткөрүүгө жана ар кандай спорттук иш-чараларды уюштурууга кеңири мүмкүнчүлүк түзөт.
